Purnima Aur Ek Mandir :)

                                                                

Chalte Chalte Kadmein Ruk Jati Hain
Kavi Yeh Zindegi Ka Safar Hain Karz Ka
Kavi Yeh Safar Hoti Hain Farz Ka
Aur Kavi Yeh Kadmein Larkharati Hain 
Jukh Jati Hain Dabaw Tale Bojh-e-Badan Marz Ka

Lekin Kuch Lamhein Hamare Isharein Pe Nehi Chalti
Shayed Koi Kismat Ki Anjan Si Isharein
Hume Unn Rahon Pe Chalne Ke Liyeh Mazboor Karti Hain
Jis Manzilon Se Hum Bekhabar Hain Anjan Hain

Main Raat Ki Andherein Mein Utar Gayi Train Se
Kohrein Ki Dhundli Si Naqab Chharon Orr Chhayi Thi
Ek Rikshawale Mujhe Meri Hotel Tak Pahucha Diya
Charon Taraf Sannata Tha Aur Eikke Dukke Musafir
Kale Kale Chadaron Pe Khud Ko Lapet Ke Mujhe 
Tirchi Nazar Se Piche Se Ghur Raha Tha
Jaise Main Koi Ajnabi Nehi Koi Ajuba Hoon

Hotel Mein Pahucha Toh Raat Guzar Ne Ke Liyeh
Ek Chhota Sa Pyara Sa Kamra Mil Gaya
Khirki Khuli Hui Thi Toh Maine Jab
Khirki Se Asman Ki Taraf  Dekha Toh Chand
Puri Shakal Mein Nehi Thi Jaise Ek Tukra
Badal Ka Anchal Hothon Mein Dabake Muskura Rahin Thi
Ussi Waqt Ek Room Service Boy Ne Darwaje Pe Knock Kiya
Main Darwaza Khola Toh Dekha Woh Mere Liye Chai Le Aaya Hain

Tab Hi Bahar Thori Dur Se Ek Madhur Si Sangeet Sunai Di
Koi Dheeme Dheeme Lay Pe Bhajan Ga Raha Tha
Maine Boy Se Pucha "Woh Koun Hain ?"
Usne Jabab Diya Ek Sadhu Hain Jo Pass Hi Ek Mandir Mein
Roz Raat Ko Bhajan Gate Hain Aur Aarati Karte Hain
Main Pucha "Kaun Si Mandir?" Usne Kaha "Govindlal Ji Ka Mandir"
Aur Kahan "Agar Waqt Mile Toh Zarur Kal Darshan Ki Jiye Ga Mandir Ka"

Maine Pucha 'Kyun?' 
Usne Kaha "Kal Purnima Hain, Vishesh Puja Ka Ayojan Hain"
Toh Main Agle Din Jaldi Jaldi Kam Nipta Ke
Shaam Ke Waqt Mandir Pahuch Gaya Darshan Ke Liye
Main Kya Kahu App Sab Ko, Kya Manzar Tha, Kya Nazara Tha
Mandir Ki Chharon Taraf Pholon Se Sajaya Gaya Tha
Chhota Sa Mandir , Bahut Purana Ho Gaya Hain
Lekin Mandir Ki Siriyan Aur Mandir Ke Samne Ek Chhota Sa
Zameen Ka Tukra Bhakto Ki Sajayi Gayi Rangoli 
Aur Diye Se Jagmaga Raha Tha

Bacche, Suhagan, Buzurg, Jawan, Kunwari 
Savi Bargon Ke Log Puja Mein Shamil The
Mandir Ke Chharon Orr Bare Bare Pholon Ki Per Thi
Unn Sab Pholon Se Ek Khusbu 
Lahera Ke Sab Ki Mann Ko Chhu Rahin Thi
Maine Govinlal Ji Ko Darshan Kiya
Unke Badan Mein Har Ek Kisim Ke 
Pholon Ke Gahene Aur Chandan Ka Sringar Tha
Aur Mathe Pe Gulal Ka Ek Sundar Sa Tika

Meri Haath Mein Ek Mombatti Aur Kuch Agar Battiyan Thi
Maine Woh Sara Uss Sadhu Ko De Diya Jo Kal Bhajan Ga Raha Tha
Sadhu Ne Mujh Se Pucha "Ajnabi Lagte Ho,  Kya Tum Pardesi Ho?"
Maine Muskura Ke Jabab Diya 'Ji Haan'
Sadhu Ne Kaha "Yahan Ruko Thori Der, Avi Puja Shuru Hoga"

Phir Puja Shuru Ho Gaya , Bhajan Ki Sur, Shankh Ki Naad
Aur Shehnai Ki Gunj Se Sara Mahole 
Jaise Kisi Mantra Mugdh Nagin Ki Tarha Dolne Laga
Main Ek Hi Nazar Se Bina Palkon Ko Jhapkayein
Sare Manzar Ko Apni Ankhon Mein Samet Lena Chahti Thi
Dharkan Ki Lahere Jaise Bahut Kam Ho Gayi Thi
Jaise Kisi Samandar Ki Gaherai Mein Main Doob Gayi Thi
Hawayein Jaise Kuch Bol Rahin Thi , 
Mithi Mithi Chashni Si Boondein
Apni Badan Mein Ghol Rahin Thi, 
Sadiyon Se Sine Mein Dabayein Hue Kahani
Khamoshi Se Bol Rahin Thi

Uss Waqt Meri Nazar Asman Pe Gaya Toh Dekha
Chand Puri Shakal Mein Hass Rahin Hain
Uski Surat Safed Nehi , Kuch Laaz Ki Lali
Uski Mang Pe Dikhai De Rahin Thi
Jaise Govind Ji Se Milne Uski Gopi Sringar Karke Aayi Hain

Kuch Der Baad Puja Khatam Ho Gayi

Sadhu Ji Meri Haath Mein Prasad Diya
Aur Pucha "Kaise Mehsus Kar Rahin Ho?"
Maine Kaha "Meri Pass Bayan Karne Ki Zuban Nehi"
Unhone Kaha "Toh Kuch Mat Kaho,Sirf Mehsus Karo
Wohi Kafi Hain, Usi Ko Puja Kahete Hain"
Maine Unko Pranam Kiya Aur Wapas Hotel Laut Aaya
Doston Aaj Ek Baat Samjhi Hoon
Zindegi Ki Raah Chahe Kitna Hi Kathin Ho
Hamesha Chalna Chahiye Na Jane Koun Si Mor Pe
Khudah Ne Jane Kya Kya Ajuba Chhupa Ke Rakha Hain

An Experience of A Puja of  Govindlal Temple in Full Moon Night :)
Enjoy Every Body !! :) Love You All :).